Брусница или на латински Vaccinium macrocarpon има силно антиоксидативно и антиканцерогено дејство.

Изглед, својства и распространетост

Зимзелена грмушка со висина околу 30 см, има бел цвет и ситни бобичести плодови, со горчливо кисел вкус. Одгледувана Брусница се сади во март. Раѓа два пати годишно – во Јули и Септември. Плодот е вистински рудник на хранливи, заштитни и лековити соединенија, кои се користат и за производство на лекови.

Плодовите се богати со:

  • витамин Ц
  • витамин А
  • Калиум
  • Магнезиум
  • Бензоева киселина
  • влакна
  • богата е со антоцијани, со проантоцијаниди (состојката Проантоцијанидин спречува лепење на бактеријата Ешерихија коли за ѕидовите на меурот и спречува нејзино размножување!)
  • содржи и Бета-каротен, како и други микронутриенти.

Состав и здравствена намена

Брусницин е концентрат од брусница, се користи за лечење на инфекции на мочниот меур предизвикани од Ешерихија коли. Брусница се користи против бактериски и габични инфекции, чир на желудник, болести на заби и на забно месо, ослабен имунитет, дијабетес, болести на очи и како превенција на кардиоваскуларни болести.

Добра е превенција за рак на дојка, желудник и дебело црево.

Постојат готови сирупи за деца и таблети за возрасни, се употребуваат според упатсво или по совет на матичен лекар.

Брусница се користи и во исхраната: 

  • како свеж плод
  • сушено овошје
  • џем
  • пекмез
  • сок
  • сируп
  • чај

Чај од Брусница

Добар е за проблеми со уринарниот тракт, како и против реума, гихт, бубрежни камчиња. Треба да се знае дека за лечење на воспаление на мочен меур треба да се употребуваат само алкални или само кисели препарати.

Брусница и здравје

Плодот од брусница има кисела база, а лисјата на брусница (како и Копривата) алкална! Не смеат да се мешаат!

Брусницата делува и против бактеријата Хеликобактер пилори, па е добра и за чир на желудник, а анти-микробните својства помагаат против пародонтални болести на гингивата околу забите. Намалува и појава на кариес.

Брусницата содржи и антиоксиданс фенол, кој превенира срцеви заболувања, предвремено стареење, губиток на координација и меморија и неколку вида рак.

Содржи и танини кои се исто битни за здравјето на срцето и големо количество на флавоноиди и полифеноли кои се природна одбрана од артеросклероза – инхибираат лош холестерол и подобруваат циркулација!

Производи од брусница не смеат да земаат особи кои земаат Варфарин, ниту дијабетичари сок од брусница засладен со шеќер.

Плодот е погоден за замрзнување и за сушење.

Ако те интересираат хербални (билни) рецепти, можеш да ги најдеш под категорија:

БИЛНА МЕДИЦИНА

2022 Сите права се задржани. Политика за приватност – Услови