Дива Капина, (Оструга) или на латински Rubus caesius.
Опис, својства, состав, распространетост
Дива капина расте на запуштени земјишта, а се наоѓа и меѓу разни насади, покрај реки и поточиња. Најчесто се наоѓа на повлажни почви. Се размножува со семе, но најчест начин на размножување е со изданоци од корен и со ожилување на гранчиња кои допираат влажна почва.
Грмушката достигнува висина до 1,5 м. Гранките се ползечки, со овална форма, со трнливи стеблики. Лисјата се поделени на 3 режневи, со ланцети и шилци покриени со петелки долги околу 5-6 см. Рабовите се назабени, влакнести од двете страни, бојата е светло зелена. Цветовите се средно големи, чашките се јагодесто зелени, латиците се бели и широко елипсоидни. Плодовите се собрани во мали гроздови, бојата им е сино-сива.
Дива Капина е лековита и многу медоносна билка! Пчеларите треба да ги поставуваат своите сандаци во близина на полиња каде што се размножила оваа грмушка.
Цветање на Дива капина
Многу долго цвета, од Мај до Септември! Дава високи приноси на мед и на полен! Дневен внес на мед е околу 3 кг по кошница. Медот е светло жолт и проѕирен и со одличен квалитет.
Корисност на Дива капина
Оструга (дива Капина) е отпорна на суша, коренот оди и до 1 м во длабина. Плодовите се јадат сирови, а можат да се користат и за правење пекмез, сируп и компот. Плодот е богат со витамин Ц, содржи и каротен, биофлавоноиди и витамин Е, корисни есенцијални киселини. Присуството на витамин Ц и железо обезбедува добро анти-оксидативно дејство. Богата е со растителни влакна.
Подобрува крвна слика, зголемува ниво на хемоглобин и железо во крв, а тоа овозможува поголем ниво и на црвени крвни зрнца. Трудници би требало да јадат (диви) капини – во бременост се случува да дојде до намалување на ниво на железо во крв.
Рецепти со Дива капина
Од млади лисја дива капина се прави лековит чај:
1 рамна лажица се попарува со 2 дл зовриена вода и по 10 мин. се процедува. За гаргара, се процедува по 15-20 мин. Помага против парадентоза, афти (ранички во уста), за зајакнување на непце и др.
Ако те интересираат хербални (билни) рецепти, можеш да ги најдеш под категорија:
2022 Сите права се задржани. Политика за приватност – Услови
