Иѓирот или на латински Acorus calamus.
Опис, својства и состав
Иѓирот е повеќегодишна самоникната билка од семејството Acoraceae. Има подземно разгрането стебло, кое од долната страна е густо обраснато со корења. Од горната страна избиваат тенки остри лисја, нараснуваат и до 1 м. Најчесто расте на влажни почви покрај реки и потоци и во мочвари. Цветовите се збиени во форма на клип, долги до 8 см, со жолто-зелена боја.
Лековитост на Иѓирот
Лековит е ризомот!
Се збира на крај на лето и почетон на есен. Се користи сув ризом. Богат е со скроб, слуз и танини, со гликозид Акорин, со алкалоид Каламин, со горко соединение Акорон, со сапонини и етерично масло. Вкусот на ризомот е горчливо ароматичен. Се користи и за производство на пиво и силни алкохолни пијалоци (има дава посебна арома).
Етеричното масло се користи во парфимериската индустрија и за производство на средства за заштита од инсекти и паразити.
Здравствена корисност од Иѓирот
- Заболувања на органи за варење: подуеност, гастритис, горушица, болки и грчеви во желудник, катар на желудник и појава на вриење, тромост на желудечна мускулатура и слаб апетит.
- Стимулира измокрување и ослободување од гасови, нормализира лачење на жолчна течност, против анемија, влијае на метаболизам и циркулација.
- Поттикнува потење и добар е против зголемена телесна температура.
Одвикнете се од пушење со цврста волја и со џвакање на сув корен од Иѓирот!
- Седечки купки од одвар од ризом делотворно поттикнува менструација.
- На мажите за подобрување на либидо помага екстракт од ризом и јаболков оцет.
- Купки со ризом од Иѓирот помагаат против измрзнатини и лоша циркулација во раце и нозе, опушта нервен систем и олеснува заспивање.
Во продавниците, кај билкарите и во домашни услови, најчесто се нуди прав, тинктура и масло.
Рецепт за желудник и црева со Иѓирот
Во 250 мл ладна вода оставете преку ноќ 1 лажиче сув корен. Наутро се процедува и се загрева малку и се пие. Најдобро е пред и после оброк, по неколку голтки, доколку се лечат болести на желудник и на црева.
Рецепт за Гастритис и чир на желудник
- Сомелете корен Иѓирот и сладок корен и конзумирајте по 1 кафено лажиче 3 пати на ден со чај од Камилица.
- Помешајте по 50 гр Иѓирот, ленено семе, сладок корен и тегавец. 1 лажиче смеса попарете со 1,5 дл зовриена вода. По 30 мин. процедете. Се пие 3 пати на ден, пред јадење.
Рецепт за Бронхитис и Астма со Иѓирот
Помешајте по 100 гр Иѓирот, Добричица, Подбел и Анис. 5 лажици смеса попарете со 7 дл зовриена вода. По 30 мин. процедете. Се пие во голтки во 1 ден.
Примена на чај од ризом на Иѓирот не се препорачува кај деца, при бременост и доење!
Ако те интересираат хербални (билни) рецепти, можеш да ги најдеш под категорија:
2022 Сите права се задржани. Политика за приватност – Услови
