Нане или на лат. Mentha е позната билка за сите нас. Најпознати видови се Класесто и Папрено Нане, инаку, ги има повеќе од 200 вида.
Состав, својства и изглед
Содржи многу Ментол и по миризбата лесно се препознава. Ментол активира осетливи рецептори за ладно на кожата и дава чувство на ладење. Се користи во многу пасти за заби. Помага против болести на гингивата (месото околу забите) и лош здив, одржува орално здравје.
Содржи витамини А и Ц, рузмаринска киселина и др. кои зајакнуваат отпорност на воспаленија и на инфекции. Намалува симптоми на настинки и сува кашлица и развој на воспаленија. Ублажува алергии и астма. Облози од Нане се ставаат против осипи, а чај се инхалира и прочистува дишни патишта.
Содржи и Перилилен алкохол кој навестува превентивно дејство од настанок на рак на дебело црево, на кожа и на бели дробови. Редовно пиење на чај од Нане намалува влакнетост по телото, предизвикана од лачење на машки полови хормони.
Нане – здравствена намена
Смирува систем за варење, намалува болки во желудник и црева, ублажува разни грчеви и мачнини, особено тие предизвикани од патување. Има диуретско дејство, забрзува метаболизам, намалува апетит и забрзува слабеење.
Чај и приправки на база на Нане се покажале ефикасни при тн. Синдром на иритабилни црева.
Нане ублажува стрес – содржи многу Триптофан од кој настанува серотонин кој подобрува расположение. Намалува главоболки и желудечни тегоби настанати од стрес. Подобрува спиење.
Чај од Нане
1 кафено лажиче Нане се прелева со 2 дл зовриена вода, стои 5-10 мин. и се процедува. Се пие тазе направен чај, може со малку мед и сок од лимон.
Етерично масло од Нане
Содржи витамини А и Ц, Омега-3 масни киселини, железо, манган, магнезиум, калциум, калиум, бакар. Има слично дејство како и чајот од Нане.
Службено се користи во медицината за лечење на мигрена, ревматски тегоби, јадеж на кожа, алергиски воспаленија на кожа, подуеност, иритабилно дебело црево, настинки, кашлица. Се зема орално и при тегоби со жолчка и акни.
Делува и на воспалени мускули – во 1 супена лажица маслиново масло накапуваме 5-6 капки етерично масло од Нане и со тоа се прави масажа.
Етеричното масло не смее да дојде во контакт со очи!
Берба
Нане се бере пред самото цутење. Се суши во ладовина, а се чува во добро затворени тегли на темно место.
Нане во исхраната
Одличен зачин во супи и јадења од зеленчук, во освежителни пијалоци. Се додава и во јогурт, се меша со домат, краставица, грашок, ананас, диња, портокал и др.
Внимание:
Треба да се внимава на количеството испиен чај, преголеми дози можат да предизвикаат пролив, грчеви, болки во мускули, осипи, поспаност.
Нане не смеат да користат трудници и доилки, мали деца и доенчиња, ни луѓе кои се алергични на ментол и тие кои имаат проблем со желудечна киселина.
Ако те интересираат хербални (билни) рецепти, можеш да ги најдеш под категорија:
2022 Сите права се задржани. Политика за приватност – Услови
