Чубрица, Чубрица планинска, Ноктец или на латински Satureja montana.
Својства, состав, опис, распространетост
Најчесто успева по карпести и неплодни почви во потопли краеви. Има пријатен вкус и мирис (отаму доаѓа латинското име Сатуреа). Од билката се прави етерично масло, зачин и чаеви.
Етеричното масло е богато со Тимол и Карвакрол; има добро дејство против упорни и патогени бактерии, како на пример Ешерихија коли и др.
Се бере во лето кога на врвовите на стебликите ќе се појават бели цветови.
Корисност и примена на Чубрица
Помага против тегоби со варење: повраќање, подуеност, пролив, мачнина…
Цветовите, стеблинките, лисјата и семињата се користат против грчеви во цревата, болки во мускули, дијареа, покачена телесна температура, добар е диуретик и лаксатив.
Помага и за подобрување на имунитет!
Ефикасно делува и против цревни паразити – глисти, амеби и сл.
Чубрица има одлични анти-септички својства и добро помага против рани, габични инфекции, воспаление на усна слузокожа, чиреви во уста и болки во грло.
Забележано е и дејство против кардио-васкуларни заболувања т.е. ги шири крвните садови.
Доколку ве боцне пчела или оса, истријте го местото со лист од Чубрица, намалува болка и печење.
Природни рецепти со Чубрица
Во случај да патите од мачнина, повраќање, подуеност или пролив се спрема ОПАРОК:
Зовриваме 700 мл вода и ставаме 15 гр горен дел од билката со цветови; оставаме да одстои 10-тина мин., процедуваме и опарокот го делиме на 3 чаши за во еден ден.
Помага за чистење и зараснување на рани и повреди на кожа – за оваа намена, на 1 л вода се става 30 гр горниот (вршниот) дел од билката.
Други лековити дејства
Помага против хроничен пролив, поттикнува апетит, помага против тегоби со дишниот систем – грип, бронхитис, болки во грло, тегоби во уро-гениталниот тракт, против Ешерихија Коли, намалува проблеми при циститис, зајакнува машка потенција, помага против општ замор и раздразливост и др.
Ако те интересираат хербални (билни) рецепти, можеш да ги најдеш под категорија:
2022 Сите права се задржани. Политика за приватност – Услови
